Bo’sh ish o’rinlari

BUXORO VILOYATI G`AZNACHILIK BOSHQARMASI TUMAN(SHAHAR) BO’LINMALARIDA AYRIM BO`SH BO`LGAN ISH O’RINLARIGA TANLOV E’LON QILADI

1) Shofirkon tumani bo’yicha ga’znachilik bo’linmasi boshlig’i

2) Jondor tumani bo’yicha g’aznachilik bo’linmasi — Davlat xaridlarini rivojlantirish va monitoringi guruhi bosh inspektori

BARCHA NOMZODLARGA QO’YILADIGAN UMUMIY MALAKA VA SHAXSIY TALABLAR

1. O’z yo’nalishlari bo’yicha jumladan, Iqtisodiyot, Moliya, Buxgalteriya va Huquq (yuriskonsult uchun) yo’nalishlarida oliy ma’lumotga ega bo’lishi (xorijiy va xalqaro oliy o’quv yurtlarida taxsil olgan nomzodlarga imtiyozlar beriladi);
2. O’zbek, rus va ingliz  tillarini mukammal bilishi;
3. Moliya tizimida kamida 3 yil stajga ega bo’lishi;

4.Kompyuter savodxonligi, jumladan Microsoft Word, Excel va Power Point dasturlarini bilishi;
5. Mehnatsevarlik va o’z vazifasiga ma’suliyat bilan yondashish;
6. Professional etiket, hamkasblarga hurmat bilan qarash;
7. Muomala va muzokara madaniyati;
8. Taqdimot qilish, yangicha qarash va intilish bilan o’zgarishlar qila olish qobiliyati.

XODIMLARNING OYLIK MAOSHI VA BOSHQA RAG`BATLANTIRUVCHI OMILLAR :

• Xodimlarning oylik maoshi nomzodning joriy ish haqi, malakasi va ish tajribasiga asosan belgilanadi;
• Bo’lim tomonidan taqdim etiladigan boshqa imkoniyat va rag`batlarga ega bo’lish.

NOMZODLARNI TANLASH JARAYONI TARTIB-QOIDASI

     Tanlov jarayoni O’zbekiston Respublikasi Moliya vazirligining 2018 yil 14 iyundagi ”Kadrlar zaxirasini tashkillashtirish va O’zbekiston Respublikasi Moliya vazirligi tizimiga xodimlarni tanlov asosida ishga qabul qilish tartibini yanada takomillashtirish to`grisida”gi 108-sonli buyrug’i ijrosini ta’minlash bo’yicha Buxoro viloyati g’aznachilik boshqarmasi tomonidan qabul qilingan 2018 yil 25-iyundagi 58-A buyruq asosida amalga oshiriladi.

1-BOSQICH

  Yuqoridagi talablarga javob beradigan nomzodlar quyida keltirilgan elektron manzil orqali ma’lumotnomalarini (obektivka CV word shaklda) topshirishlari lozim hamda qisqacha nima uchun shu lavozimda ishlash istagi borligi to’g’risida insho yozib joriy yilning 14 fevraliga qadar jo’natishlari zarurdir.   2020 yil 17 fevralga qadar ishchi guruhi tomonidan ma’lumotlar o’rganib chiqiladi va talablarga javob bergan nomzodlar keyingi bosqichga o’tganliklari haqida hamda 20 fevral kuni suhbatga yetib kelishlari to’g`risida xabar beriladi.

 

2-BOSQICH

      Joriy yilning  20 fevral kuni ikkinchi bosqichga  bilan yuqoridagi talablarga javob berishlarini tekshirish maqsadida suhbat o’tkaziladi. Suhbat natijasi ball tizimi bo’yicha baholanadi (eng yuqori 10 ball, eng past 1 ball) bunda komissiyaning har bir a’zosi suhbat natijasi bo’yicha nomzodlarga ball qo’yib chiqadi. Suhbat natijasidan 60 dan yuqori ball olgan nomzodlar keyingi bosqichga o’tkaziladi.

3-BOSQICH

     Joriy yilning 21 fevral kuni ishchi guruh yig`ilib, 2-bosqichdan o’tgan nomzodlarning ballarini ko’rib chiqib, 3 kun muddatda nomzodlarga tanlov natijalari to’g’risida ma’lumot berilishini ta’minlaydi.

Barcha hujjatlarni elektron pochta orqali yuboruvchilarga — Buxoro viloyati bo’yicha G`aznachilik boshqarmasi elektron manziliga buxarakazna@gmail.com ga  yuborishingiz so’raladi. Bog`lanish uchun (365) 223-02-56 telefon raqamiga murojaat qilishingiz mumkin.